Johannes Tinctoris (1435–1511) estis flandra komponisto, muzikisto, juristo, matematikisto, poeto, unu el la plej influhavaj muziko-teoriistoj el sia epoko. Li studis en la Universitatoj de Lieĝo kaj Orleano, kie li diplomiĝis pri kanonika kaj civila juro, krom studi muzikon kaj matematikon, kaj, en 1460, li aktivis serve de la katedralo de Kambrajo, kaj baldaŭ fariĝis kantoro je salmoj, preĝoj kaj responsorioj de la katedralo de Orleano. Lia muzika edukado okazis sub la zorgoj de Guillaume Dufay (1397-1474), kiu ekloĝis en Kambrajo post 1458. Laŭ liaj skribaĵoj, li okupis kelkajn postenojn kiel instruisto pri kantado en Chartres, krom fari kontaktojn kun aliaj komponistoj same kiel Johannes Ockeghem (1420-1497) kaj Antoine Busnois (1430-1492).